واٹر پروف Waterproof mobile، ڈسٹ پروف ، واٹر پیک موبائل فون ۔IP68

آج کل موبائل فون میں واٹر پروف Waterproof mobile یا واٹر پیک Water pack کا ٹرینڈ بہت زیادہ چل رہا ہے ۔۔

واٹر پروف کا مطلب کہ یہ موبائل فون پانی سے محفوظ ہے ۔۔

ڈسٹ پروف کا مطلب کہ یہ فون ، مٹی دھول سے محفوظ ہے ۔

ہمارے پاس دکان پر اکثر لوگ ، موبائل لیتے وقت یہی پوچھتے ہیں کہ یہ واٹر پروف ہے یا نہیں ؟ یعنی وہ چاہتے ہیں کہ یہ فیچر ضرور ملے ۔

موبائل کمپنیاں لوگوں کی نفسیات اچھی طرح سمجھتی ہیں ۔۔

کہ عوام کس سے چیز سے مطمئن ہوتے ہیں ۔ واٹر پروف یا واٹر پیک ایسی اصطلاح ہے ، جہاں لوگ موبائل فون کے باقی اہم فیچرز یا Specifications بھول جاتے ہیں ۔۔کوئی بھی موبائل لیتے وقت سب سے اہم چیز ، اس کا پروسیسر ہوتا ہے ۔۔ پھر ڈسپلے ، کیمرہ ، بیٹری ، چارجر ، پھر باقی فیچرز ۔ ان میں سے ایک فیچر واٹر پروف بھی ہے ۔۔ پروسیسر ، ڈسپلے ، کیمرہ کو چھوڑ کر ، واٹر پروف فیچر کو ایسے نمایاں کر کے پیش کیا جاتا ہے ، کہ لوگ سمجھتے ہیں کہ یہ فون اگر واٹر پروف ہے تو پھر ہر حال میں یہی لینا چاہیے ۔

یہاں ایک نفسیاتی ٹِرک بہت کارگر رہتی ہے ۔۔ آپ نے اکثر نوٹ کیا ہوگا کہ جو Waterproof mobile واٹر پروف موبائل ہوتے ہیں تو کمپنیاں اور دوکاندار اس کی ہر جگہ پروموشن کرتے نظر آتے ہیں ، حتیٰ کہ کچھ دوکاندار اپنی دکان پر ، پانی سے بھراایک چھوٹا باکس رکھ لیتے ہیں ۔۔ اور Waterproof mobile کو پانی میں دھو کر دیتے ہیں ۔۔ اور کسٹمرز موبائل کو پانی میں نہاتا دیکھ کر خود بھی سرشار ہوجاتے ہے کہ اب تو یہی فون ہی لینا ہے ۔حالانکہ واٹر پروف ہونا ، یہ صرف حفاظتی فیچر ہے ، کہ اگر خدانخواستہ فون پانی میں گر جائے یا ۔۔ بارش وغیرہ میں گیلا ہو جائے تو موبائل کو کوئی نقصان نہ پہنچے ۔ لیکن اس کا یہ مطلب بالکل نہیں ہے کہ موبائل کو سوئمنگ پول میں ساتھ نہانے لے جائیں ۔۔ یا پانی میں ویڈیو بناتے پھریں ۔

موبائل فون کمپنیاں ، واٹر پیک Water pack یہ Waterproof Mobile کا دعویٰ ضرور کرتی ہیں ، لیکن اگر اس دوران موبائل خراب ہو گیا تو کمپنی کی کوئی ذمہ داری نہیں ہوگی ۔۔ آپ کو خود ہی بنوانا پڑے گا ۔ یا پھر موبائل سے ہی ہاتھ دھونا پڑے گا ۔۔ تو ، صرف واٹر پروف کے ششکے کیلئے اپنا موبائل فون خراب نہ کیجیے ۔

سو ! موبائل لیتے وقت Waterproof mobile فیچر کو مدنظر ضرور رکھنا چاہیے لیکن صرف یہی ایک فیچر مد نظر نہ ہو بلکہ جو سب سے اہم چیزیں ہیں پروسیسر ، ڈسپلے ، کیمرہ وغیرہ ، اِن کو پہلے نمبر پر رکھنا چاہیے ۔

اور یہ چیزیں کیسے چیک کی جائیں ۔۔ یا ایک عام بندہ جو موبائل ٹیکنالوجی کے متعلق زیادہ نہیں جانتا ، وہ کیسے اپنے لیے خود بہترین فون کا انتخاب کر سکتا ہے ۔۔ یعنی ایسا فون ، جو کسی کے بھی اپنے بجٹ کے حساب سے بہترین ہو ۔ ہمارا اگلا آرٹیکل اسی موضوع پر ہوگا ۔ ان شاءاللہ ۔

واٹر پروف موبائل Waterproof mobile خود چیک کریں ۔

موبائل واٹر پروف ہے یا نہیں ۔۔ ہم خود یہ چیک کر سکتے ہیں ۔۔ کسی دوسرے پر انحصار کرنے کی بجائے ، خود گوگل پر جا کر اس متعلق سرچ کر سکتے ہیں ۔۔ اس کی تفصیل کچھ یوں ہے ۔۔

ہمارے ہاتھ میں موجود موبائل یا دوسری الیکٹرانکس چیزیں ، دھول مٹی اور پانی سے کتنی حد تک محفوظ ہیں ۔۔اس کیلئے کلیہ استعمال ہوتا ہے IP کا ۔آئی پی یعنی ۔ IP .. Ingress protection

اس میں دو نمبر لکھے ہوتے ہیں ۔ جیسے مثلاً IP54 … IP 68 … IP 69 ۔۔ یہ 54 دو نمبر ہیں ۔۔ 5 اور 4 ۔ یا 68 میں 6 اور 8 اسی طرح 69 میں ، 6 اور 9 ۔دونوں الگ الگ چیزیں بتاتے ہیں ۔۔

یہ IP میں موجود پہلا نمبر بتاتا ہے کہ یہ ڈیوائس دھول مٹی سے کتنی محفوظ ہے ۔۔ جیسے IP54 میں 5 کا ہندسہ ۔اور دوسرا ہندسہ بتاتا ہے کہ یہ ڈیوائس پانی سے کتنی حد تک محفوظ ہے ۔۔ جیسے IP 54 ۔ میں 4 کا ہندسہ ۔

پہلا ہندسہ یعنی جو دھول مٹی سے حفاظت کو ظاہر کرتا ہے ، اس کی ریٹنگ 1 سے 6 تک ہوتی ہے ۔1 کا مطلب ، دھول مٹی سے بالکل محفوظ نہیں ۔6 کا مطلب دھول مٹی سے مکمل محفوظ ہے ۔دوسرا ہندسہ جو پانی وغیرہ سے حفاظت ظاہر کرتا ہے ،اس کی ریٹنگ 1 سے 9 تک ہوتی ہے ۔ 1 کا مطلب ، پانی سے بالکل محفوظ نہیں ۔9 کا مطلب پانی وغیرہ سے مکمل محفوظ ہے ۔۔ مطلب Waterproof Mobile واٹر پروف موبائل ۔

اب 1 سے 6 تک / 1 سے 9 تک کے درمیانی ہندسوں کا کیا مطلب ہے ۔۔ آئیں ، سمجھتے ہیں ۔